ആലപ്പുഴയില്‍ വാഹനാപകടത്തില്‍ മൂന്ന് യുവാക്കള്‍ മരിച്ചു

ആലപ്പുഴ: കരുവാറ്റയില്‍ ബൈക്കും ജീപ്പും കൂട്ടിയിടിച്ച് ബൈക്ക് യാത്രക്കാരായ മൂന്നു യുവാക്കള്‍ മരിച്ചു. തകഴി കുന്നുമ്മേല്‍ സ്വദേശികളായ മുഹമ്മദ് സബിത്, അനസ്, സുജീര്‍ എന്നിവരാണ് മരിച്ചത്. ഇന്ന് പുലര്‍ച്ചെ 2 മണിയോടെയാണ് അപകടം.

കൊല്ലം ഭാഗത്തു നിന്ന് ആലപ്പുഴയിലേക്ക് വരുകയായിരുന്ന ബൈക്കും കൊല്ലം ഭാഗത്തേക്ക് പോവുകയായിരുന്ന ജീപ്പുമാണ് കൂട്ടിയിടിച്ചത്.  അപകടത്തിനു കാരണം  അമിത വേഗതയാണെന്നാണ്  പൊലിസിന്റെ പ്രാഥമിക നിഗമനം. ബൈക്ക് യാത്രികരായ മൂന്ന് പേരും സംഭവ സ്ഥലത്തുവച്ചുതന്നെ മരിച്ചു.