കൊച്ചി: സ്വാശ്രയ മെഡിക്കല്‍ പ്രവേശനത്തില്‍ മുഴുവന്‍ സീറ്റിലും സര്‍ക്കാര്‍ ഏറ്റെടുക്കാനുള്ള നടപടി ഹൈക്കോടതി സ്‌റ്റേ ചെയ്തു. ഉപാധികളോടെയാണ് ഉത്തരവ് സ്‌റ്റേ ചെയ്തത്. മാനേജ്‌മെന്റ് സീറ്റുകള്‍ ഏറ്റെടുക്കാനുള്ള ഉത്തരവാണ് സ്‌റ്റേ ചെയ്തത്. മാനേജ്‌മെന്റുകള്‍ക്ക് നീറ്റില്‍ നിന്നും മെറിറ്റ് ലെവലില്‍ പ്രവേശനം നടത്താം. അപേക്ഷകള്‍ ഓണ്‍ലൈന്‍ വഴിയായിരിക്കണമെന്നും ഹൈക്കോടതി പറഞ്ഞു. പ്രോസ്‌പെക്ട്‌സും റാങ്ക് ലിസ്റ്റും മാനേജ്‌മെന്റ് വെബ്‌സൈറ്റില്‍ പ്രദര്‍ശിപ്പിക്കണം. പ്രോസ്‌പെക്ട്‌സിന് ജെയിംസ് കമ്മിറ്റിയുടെ അംഗീകാരം വേണം. ഉപാധികളെല്ലാം പ്രവേശനത്തിന്റെ സുതാര്യതയ്ക്ക് വേണ്ടിയാണെന്നും ഹൈക്കോടതി ഉത്തരവില്‍ പറയുന്നു.
്പ്രവേശനം നീറ്റ് പട്ടികയില്‍ നിന്ന് മാത്രമാകണമെന്ന് സര്‍ക്കാര്‍ ഹൈക്കോടതിയില്‍ ആവശ്യപ്പെട്ടിരുന്നു. സര്‍ക്കാര്‍ സീറ്റുകളിലേക്ക് പൊതുപ്രവേശന പരീക്ഷയെ ആസ്പദമാക്കി പ്രവേശനം നടത്തും. പൊതുപ്രവേശന പരീക്ഷ സര്‍ക്കാര്‍ തലത്തില്‍ മാത്രമുള്ളതിലൂടെ മാത്രമേ പ്രവേശനമുണ്ടാകൂ.
അമ്പത് ശതമാനം സീറ്റുകളിലേക്ക് ന്യൂനപക്ഷ സ്ഥാപനങ്ങള്‍ക്ക് പ്രവേശനം നടത്താം. എന്നാല്‍, ഇത് നീറ്റ് പട്ടിക മാനദണ്ഡമാക്കി റാങ്ക് അടിസ്ഥാനത്തില്‍ തന്നെ നടത്തണം. മാനേജ്‌മെന്റ് സീറ്റുകളിലേക്കുള്ള പ്രവേശനവും റാങ്ക് അടിസ്ഥാനമാക്കി വേണം നടത്താന്‍. ഇതിന്റെ പട്ടിക സര്‍ക്കാര്‍ നല്‍കുമെന്ന് എജി കോടതിയെ അറിയിച്ചു.സര്‍ക്കാരുമായി അമ്പത് ശതമാനം ആനുപാതത്തില്‍ സീറ്റുകള്‍ പങ്കുവയ്ക്കാന്‍ നിയമമില്ലെന്ന് സ്വാശ്രയ മാനേജ്‌മെന്റുകള്‍ ഹൈക്കോടതിയെ അറിയിച്ചു.
എന്നാല്‍, ഈ നടപടി പ്രായോഗികമാണോയെന്ന് ഹൈക്കോടതി ചോദിച്ചു. നീറ്റ് മാനദണ്ഡമാക്കി മാനേജ്‌മെന്റ് സീറ്റുകളിലേക്ക് സര്‍ക്കാര്‍ നല്‍കുന്ന പട്ടിക പ്രകാരം പ്രവേശനം നടത്തുന്നത് പ്രായോഗികമല്ലെന്ന് മാനേജ്‌മെന്റുകളും നിലപാടെടുത്തു.
No comments:
Post a Comment